تحميل كتاب كتاب فاجر pdf
الكاتب: محمد سعيد
التقييم:2.44
تاريخ النشر: 2011
مقدمة الكتاب _
بسم الله .. والحمد لله .. والصلاة والسلام على أشرف خلق الله ، سيدنا محمد
صلى الله عليه وسلم
وبعد….
رأيت فكرت قررت
وها أنا هنا بعد قراري
الكتاب ده عبارة عن وجھة نظر للاشیاء اللي موجودة في حیاتنا ،ھوه مش بیتكلم
عن حاجة واحد ولا موضوع واحد .. دا بیتكلم عن أكتر من موضوع
ماحترتش كتير أوي أني أكتب الكتاب ده باللغة العربية الفصحى ولا بالعامية ،
في ناس وقعوا في الحيرة دي وقِدروا يحلوها .. وأنا ك ملت من أول ما وقفوا
صحيح أنا مدام بفكر بالعامية .. والعامية حتقدر تقربني أكتر من الشباب اللي
زيي ، اللي مش بيتكلموا غير بالعامية .. يبقى المفروض أكتب بأيه …؟..
صحيح ممكن تلاقي الكتاب ده في ألفاظ صعبة شوية وجديدة أوي .. بس الألفاظ
دي هما اللي بيقولوها الشباب اللي في سني .. وهيه اللي بقت لغة العصر
دلوقتي .. أنا مش حقول أنا موافق عليها ولا ضدها .. الأهم من كدة .. أنها
حتقدر تقصر عليه مسافة كبيرة أوي بيني وبين الناس اللي حيقروا الكتاب
، وحيقدروا يفهموني ويحسوا كلامي أوي .. وده اللي بتمناه
الشباب اللي من جيلي .. لازم لما أي حد يتكلم عنهم لازم يتكلم بأحترام .. أحنا
اللي كان بيتعيب علينا من الجيل القديم في كل حاجة .. كان بيتقال علينا شباب
تافهه .. بلا هوية .. بلا عقل وتفكير ……..
أتضح أننا أحسن وأفضل جيل في تاريخ مصر .. أحنا اللي وقفنا قدام الظلم ،
أحنا اللي قولنا لاء .. أحنا اللي خلعنا رئيس من كرسي كان حته منوا .. أحنا
اللي أجبرنا العالم على أحترامنا
دا أول كتاب لية .. أحتمال كبير يتنِشر .. وأحتمال لاء .. وده اللي حيقرروا
أنتوا
إذا كنت فعلاً عندي موهبه ولا بضيع وقت وخلاص .. يمكن صحيح أنا مقتنع
أني عندي موهبه .. بس أقتناعي ده وأقتناع أصحابي اللي أجبرني وشجعوني
أني أعمل الخطوة دي .. مش كفاية
أنا بس كنت عايز أقول شوية نصائح قبل ما تقروا الكتاب
1 الكتاب ده عبارة عن وجهة نظري .. رأيي في المواضيع اللي موجودة في
حياتنا .. يعني القصد من الكتاب ده .. أنك تتأمل وتفكر .. وتكون علامات
الدهشة والأستفهام جواك ، يعني أنا مش بجبرك على حاجة .. يعني برده لو
قولتلك حرام أو حلال .. يبقى مجرد وجهه نظري لا أكتر ولا أقل .. تتفق معايا
فيها أو لاء .. دي ترجعلك أنت .. أنا مش عامل الكتاب ده علشان أحرم وأحلل
مجرد وجهه نظر
2 الكتاب ده عملية مشتركة كبيرة بين كتابتي للحروف ونظرك أنت ..عقلي
وعقلك .. تحليلي للمواضيع وتفسيرك أنت ليها
3 الكتاب ده لو ماحبتوش .. أو مافيش حاجة لفتت نظرك .. أو مافيش أي
معلومة جديدة فيه .. أو مافيش لحظة وقفت فيها عن القراءة وفكرت .. أو
ماضحكتش.. أو أن الكتاب ده ماستفزكش .. يبقى أنا فاشل .. وكتابي فشل ،
ولم يؤدي مهمته …
أخر جملة حابب أني أقولها في نهاية مقدمتي
حتى بعد النصر لسه في ظلم
