تحميل كتاب سجن بالألوان pdf

الكاتب: جلال البحيري

التقييم:3.00

تاريخ النشر: 2016

فيه سجن فيه وردة
على بابه فيه سجان
كل السجون واحدة
وده سجن بالألوان
اربع حيطان من نور
بتبارك العصيان
لِيْه الطيور بتحج
وتصاحب القضبان
لن تحبسوا وردة
يادولة العميان.
ياوطني يامحتل
ياشعب غلبه النوم
الليل عليكم هل
والحكم فيه للبوم
كل الرجال سلموا
وسناء بطولها تقوم
تكشف ضلال كدبكم
وتحارب الفرعون
بقى بنت تفضح نظام
وانتوا بشنب ودقون؟
يادولة المتاعيس
العار في افكاركوا
المجد للمحابيس
طول ما النفاق كاركوا
ده اللي في عادته الذل
ما تقوملهوش قومة
الثورة هي الحل
وابقوا اسألوا دومه.