تحميل كتاب ايام صودا pdf

الكاتب: مايكل سامي

التقييم:3.91

تاريخ النشر: 2016

لو كنت بتقرا دلوقتي السطور الأولى من كتابي فده معناه انك قررت
تديني من وقتك، وده في حد ذاته مسؤليه عليا في اني ارتب كلامي كويس
وبدقة علشان متندمش على كل دقيقة هتقضيها مع الكتاب،
بعد اصدار كتابي الأول مرار طافح اللي بفضل من ربنا اتعدتت طبعاته
واللي كان بيحتوي على مجموعة قصص قصيرة وخواطر شعرية واقوال
عامة من واقع الحياة
قررت اني اكمل سلسلة كتاباتي بكتابي التاني ايام صودا »
وفي الوقت اللي كتابي الأول « مرار طافح » كان بيتكلم فيه عن المرار
اللي بنعيشه في حياتنا الإجتماعية والروحية والعاطفية ومحاولتي لتقديم
حلول منطقية لكل المشاكل دي.
كان كتابي التاني « أيام صودا » هو تكملة التحدي للمشاكل اللي ممكن
تقابلها في حياتك الخاصة او العامة
ولإن من أقل موقف بقى يحصل معانا « بيفَوَّر الدم » ويأثر على الإسلوب
والعلاقه
ولإننا بقينا في زمن غريب، قل فيه التفاهم والحب، وحياتنا اتملت
بفقاقيع الفوران اللي بتكبر الأمور على الفاضي لحد ما بنهدى ونكتشف
إن الموضوع مكنش يستاهل
زي بالظبط لو حطيت بيبسي في كوبايه ولاحظت الصودا وهي بتفور
وبتدلق وبتغرق الكوبايه كلها، مع إن البيبسي مازال قليل فيها
نفس الوضع، بقت دي حياتنا وبقت دي أيامنا، وبقينا عايشين في أيام
صودا
بنفور من أقل فعل، ومحدش بقى طايق كلمة لحد.
وبسبب الفوران مبقناش عارفين نركز في حياتنا، وقرارتنا بقت بتتاخد
غلط
أتمني أن موضوعات الكتاب تكون سبب في تهدئة الفوران الداخلي
لكل المواقف السلبية اللي بنقابلها في حياتنا